|
А хто там ня йдзе?
|
|
Не-Купала
|
А хто там ідзе, а хто там ідзе?
У вагромністай такой грамадзе?
– Курды, кітайцы, малайцы,
вузбэкі, таджыкі, нанайцы,
пранцузы, мадзяры ды грэкі,
гішпанцы, жамойты, ацтэкі,
хвіны, цыганы, аўкштоты,
японцы, мардва, гугэноты,
бразыльцы, расейцы, ангельцы –
нашыя ўсе аднасельцы!
А што яны нясуць на худых плячах,
На ў лапцях нагах, на ў крыві руках?
– Клункі, лядункі, карункі,
бразготкі, каралі, дарункі,
лыжкі, відэльцы, пярынкі,
ляўры, літаўры, катрынкі,
маркі, ены, даляры,
сэйфы, кансэрвы, раялі,
сьвістулькі, табаку, манэты,
самбрэра, кабрыялеты –
і крыўда бярэ іх за гэта!
А каму нясуць гэту крыўду ўсю,
А каму нясуць на паказ сваю?
– На хвэстываль у Каны,
у Токіё, Рыгу, Мілано,
там, дзе дыктатар Батыста
падданых пад’еў усіх чыста
і ў кашу смаркаецца ладна
зь гікаўкаю загаднай!
Туды, дзе плююцца культурна
паны за куцьцёю хаўтурнай.
А хто гэта йіх не адзін мільйон,
Крыўду несьць наўчыў, разбудзіў йіх сон?
– Пошасьць, агіда, трасца,
нейкі сьмярдзюх у калясцы,
паненка ці бабця з касою,
Касмадзямьянская Зоя!
Дурка, ачмурка, аблуда,
Гадзкі татуся юда.
Чароўная блёкава Дама.
І Харэ, і Крышна, і Рама!
А чаго ж, чаго захацелася йім,
Пагарджаным век, йім сьляпым, глухім?
– йім сьляпым, глухім
йім сьляпым глухім
йім…
сьляпым…
глухім…
1993–1994
|
|
